أضف سؤال أو موضوع جديد          

إسيوزو .. D ماكس يسحب دينا من الطين .

up 11 down 1
الكاسر .. 911 . 756
قبل 11 سنه



مساء الخير على الناس الكويسة ههههه

كيفكم عساكم بخير وعافيه ... حبيت انكم تشوفون ها الموتر ماشاء الله تبارك الله عليه .

ينقذ دينا محمله بعير مغرزه با أرض طينية صراحة ماتوقعته كذا لاكن المقطع خير برهان ... وتحياتي لكم .

http://www.youtube.com/watch?v=c36AY4EaIT4










إبلاغ إبلاغ



سيارات للبيع

الردود


كلمة حق الديماكس تعتبر افضل الونيتات..عيبها ما تجي بنزين


up 1 down 0
rashed 595 121
قبل 11 سنه



السيارة قوية وشكلها جميل بس يعيبها مثل ماذكر الاخ راشد ولا فيها موصفات السلامة حتى مافي ايرباق للسواق .
ولك لايك


up 1 down 0
iadnuyh 842
قبل 11 سنه



كفوا بس معروفة ايسوزو بالمحركات ديزل 


up 1 down 0
abdullah nazeear 167
قبل 11 سنه



واضح السواق فاهم وعارف وش قاعد يسوي، وهذا الشي مساعده 


up 2 down 0
abdulazizsh 117
قبل 11 سنه



هلا بالشباب ومشكورين على الردود .. وحبيت اقلكم ان الامان من الله عز وجل والله اذا جاك المكتوب لابينفع ايرباق ولا APS

وللجميع لايك .


up 2 down 3
الكاسر .. 911 . 756
قبل 11 سنه



الحربيه فيه ناس مايهمه لاشكل ولامواصفات يبحث عن القوة أهم شي والموتر ذا ماقصر مع الدينا وماتوقعته كذا .. شاكر مرورك .


up 0 down 0
الكاسر .. 911 . 756
قبل 11 سنه



لو انه هلي او نافارا كان انبطح جمب الدينا بس ربعنا مايعرفون من المواتر الا تويوتا


up 3 down 1
رياض الفهد 11
قبل 11 سنه



الوالد محتار بينها وبين الهلي والنفارا وشرايكم يالربع وش احسن شي بينهم 


up 2 down 0
-القيصر- 380
قبل 11 سنه



يالقيصر في ضان القادم با1ن ببيع الفورد وبشتري دي ماكس فل كامل لعدة اسباب
الشوارع مكسره وتبيلها سياره تتحمل ومرتفعه

ثاني شي الدي ماكس وزنه 2700 كيلو فارغ من غير المولات الاضافيه
يعني لو تخش فسيل ماراح يسحبك السيل بكل سهوله

ايضا محركات الديزل عزمها قوي فالطعوس والسحب الجر والتحميل مايطيح العزم نهائيا لذلك الهمرات العسكريه محركاتها ديزل

عمر محركات الديزل ضعف عمر محركات البنزين
يعني توصل 800 الف بدن تخبيطات تذكر ومستخدمين الدي ماكس في منتدى مكشات يشهدون له بهذا الشي


الديماكس تعتبر افضل الونيتات


up 1 down 0



الآيسوزو أبدعت في محركات الديزل 

D Max أفضل بيك آب خفيف و الديزل تيربو ميزة و ليس عيب

و الأفضل منه l200 الميتسوبيشي v6 4X4

أما من ناحية الشكل فهذه مسألة ذوق و أنا يعجبني الديماكس ٢٠٠٦ / ٢٠١١ 

و أشوفه أجمل بكثير من الهايلكس و النفارا 

شكراً 


up 1 down 0
أبو جـود 2747
قبل 11 سنه



انا معجبني ونيت المستوبيشي  فيه نوع 6 سرندل يعني خذ وانيت 6 سرندل  ودبل طلع جيب ماشاء الله واتمن تيوتا تخلي الهايلكس الدبل سته سرندل اتوقع بيصير منتشر اكثر من بعض الجيوب بعد


ياشباب الديماكس اللي يسحب الدينا وش موديله بدبل؟؟


up 1 down 0



نسيتوا يا جماعة أن مشكلته في القطع غالية جدا ،

أنا لقيت واحد في ورشة مصدوم في الوجه موديل 2013 وسألت عنه كم كلف؟

قالوا لي القطع لحالها ب 15000 ألف وبعضها طلبية ، يعني لو بدله هايلوكس أتوقع والله أعلم ما تعدي قيمة القطع 4000 ريال وكالة وغير ذلك متوفرة 



up 1 down 0
رعد 4 3252
قبل 11 سنه



4 شالوا الجمل والجمل ماشالهم هههههه وشكرا على المقطع الديماكس معروف بقوته الخنفشارية ولك لايك كبر الجمل هههههه


up 1 down 0
t o m a h a w k 761
قبل 11 سنه



رعد4

الفايبر الامامي حق الفورد اللي فوق الانوار قيمته وكاله ب1900  

ثالجة الاكسنت قيمتها 1350

قطع السيارات غاليه
وبخصوص البدي معروف انه قطعها غاليه في كل السيارات
والسياره عليها تامين وهي جديده 

لاتنسى ان التويوتا قطعها غاليه ايضا
مساعد الكامري حسب ماقالوا الشباب 570 الواحد
وبعض القطع الصينيه في الي سيارات تويوتا

حساس دب اللاندكروزر صيني  !!
مرواح الكامري وبعض الشغلات صناعتها صينيه 

نوار الذوياني
هالدي ماكس مديله تقريبا 2010 بدبل

ومكينة الديزل عزمها في الجر والتحميل اقوى من البنزين 


مشكورين ياشباب الله يجزاكم خير على الردود والأراء والموتر ماعليه خوف من ناحيه القوة والكرف ..وعسا الله يرزقنا الجنة .


up 1 down 0
الكاسر .. 911 . 756
قبل 11 سنه



تاكيدا لردود الاخوان حول مكينة الديزل ... للمعلومية سيارات الاسعاف مكائنها ديزل وحسب دراسة انه نظرا للوقت الطويل لانتظار سيارات الاسعاف بوضع التشغيل وهي متوقفة واستهلاك كبير على الطاقة الكهربائية لها وجدوا ان مكائن الديزل الاقوى تحملا والاكثر عطاء 


up 1 down 0
رياض الفهد 11
قبل 11 سنه



تسلم أبو عبدالله على الموضوع ومحركات الديزل إذا كانت فيها تيربو صدقني تعطيك قوه تعادل محركات البنزين والدي ماكس 

غنيه عن التعريف بشهادة ملاكها 


up 1 down 0